520❤️我愛你❤️大福六歲喇❤️❤️❤️

至從大福出世，每年老公生日我都會同佢講：「我已經送咗份最好嘅禮物俾你😂 」(兩父子同樣520生日) 錢我就冇😂，所以今年決定同大福一齊親手做生日蛋糕比老公/爸爸👨🏻🎂！
兩母子都係第一次，仲要2個半鐘，我預咗大福冇咁好耐性兼能力🙈，仲帶定本《屁屁偵探》&小小零食俾佢，點知大福做足全程，參與度仲高過我！
跟App逐個step做原來唔難，除咗有啲材料比較高、個樽太大佢攞唔到，大福基本上都識睇指示跟著做😌。不過小朋友始終手腳冇咁俐落，唔想整污糟地方，同阻到其他客人，媽咪都要不時幫手。仲有去到用kitchen Aid、焗爐等，大人就真係要自己做返，佢就負責揸iPad比指示我。
估唔到大福連唧cream都有板有眼！圓形⭕嗰啲係我，好似”黑頭酒米”唧出嚟嗰啲係大福嘅😂(6歲小朋友算係咁啦🤪)topping裝飾由佢一手包辦(其實只係放啲材料上去😂) 大福話好玩過整「知育果子」 (知育果子係乜？請見留言)，不停話要book定下一次🙊
最後成品個樣算係見得人(啩?🤷♀️)
但真係… 好．難．食！🤣🤣🤣
利申，唔關我哋事🤪，個朱古力蛋糕餅底係唔錯嘅🤤，只係本身個recepie出事... butter cream佔嘅比例太多喇～食落口啖啖都係牛油，漏到一個點🤢... 但我都明白，butter cream係比忌廉容易整，出嚟嘅效果又更加靚，啱晒打咭😅。加上為咗方便控制食材同簡化製作過程(相信大部分客人都同我一樣都係初哥)，全店meun嘅食材/做法都比較單一，亦無需要鮮果等材料，所以味道比唔上一般現售西餅都算合理。
整體來講係唔錯嘅親子體驗， 亦教識我重要嘅一課：要相信小朋友嘅能力，放手比佢哋，先知佢哋做得到㗎！
呢份唔單止係爸爸嘅生日禮物🎁，亦係我同大福互相都得到嘅禮物❤️ (呢個小朋友不知不覺已經六歲，媽媽就算幾重要，相信喺佢人生中所佔嘅比例將會越來越細，更加要珍惜呢一年🙏🏻)
btw, 字好多，但photo得呢幾張😅，因為臨時心血來潮用手機拍咗啲video，一邊整蛋糕一邊拍片，已經忙到唔記得影相，希望剪到一條片再同大家分享啦～(想睇片就留言催下我，逼下我啦～🤣🤣🤣)
Search